ਜਲੰਧਰ: ਦਿਨੇਸ਼ ਢੱਲ ਦੇ ਯਤਨਾਂ ਸਦਕਾ ਮੇਹਰਚੰਦ ਪੋਲੀਟੈਕਨੀਕ ਤੋਂ ਡੀ ਏ ਵੀ ਕਾਲਜ ਤੱਕ ਸੜਕ ਬਣਨੀ ਸ਼ੁਰੂ, ਪੜ੍ਹੋ ਤੇ ਦੇਖੋ

ब्यूरो(गोलमाल न्यूज़): ਮੇਹਰਚੰਦ ਪੋਲੀਟੈਕਨਿਕ ਕਾਲਜ, ਆਈ.ਟੀ.ਆਈ ਦੇ ਬਾਹਰਲੇ ਗੇਟ ਤੋਂ ਲੈ ਕੇ ਡੀ.ਏ.ਵੀ ਕਾਲਜ ਦੇ ਗੇਟ ਤੱਕ ਫਲਾਈਵਰ ਦੇ ਹੇਂਠਾ ਸੜਕ ਦੁਬਾਰਾ ਬਣਨੀ ਸ਼ੁਰੂ ਹੋ ਗਈ ਹੈ। ਇਸ ਦੀ ਖੁਦਾਈ ਪਹਿਲਾਂ ਸਰਫੇਸ ਵਾਟਰ ਪ੍ਰਜੈਕਟ ਦੀਆਂ ਪਾਈਪਾਂ ਪਾਉਣ ਲਈ ਕੀਤੀ ਗਈ ਸੀ। ਇਸ ਨਵੀਂ ਪ੍ਰੀਮਿਕਸ ਨਾਲ ਤਿਆਰ ਹੋਣ ਵਾਲੀ ਸੜਕ ਦਾ ਉਦਘਾਟਨ ‘ਆਪ ਦੇ ਨਾਰਥ ਹਲਕਾ ਇੰਚਾਰਜ ਦਿਨੇਸ਼ ਢੱਲ ਵਲੋਂ ਕੀਤਾ ਗਿਆ। ਉਹਨਾਂ ਦਾ ਸਵਾਗਤ ਗੁਲਦਸਤੇ ਅਤੇ ਫੁੱਲਾਂ ਨਾਲ ਮੇਹਰਚੰਦ ਪੋਲੀਟੈਕਨਿਕ ਕਾਲਜ ਦੇ ਪ੍ਰਿੰਸੀਪਲ ਡਾ. ਜਗਰੂਪ ਸਿੰਘ, ਦਯਾਨੰਦ ਮਾਡਲ ਸਕੂਲ ਦੇ ਪ੍ਰਿੰਸੀਪਲ ਐਸ.ਕੇ ਗੌਤਮ, ਆਈ.ਟੀ.ਆਈ ਮੇਹਰਚੰਦ ਦੇ ਪ੍ਰਿੰਸੀਪਲ ਇੰਚਾਰਜ ਵਿਕਰਮਜੀਤ ਸਿੰਘ, ਕੁੰਵਰ ਰਾਜੀਵ ਡੀ.ਏ.ਵੀ. ਕਾਲਜ ਜਲੰਧਰ, ਜਤਿੰਦਰ ਕੁਮਾਰ ਜਿੰਦ ਤੇ ਇਲਾਕੇ ਦੇ ਹੋਰ ਪਤਵੰਤੇ ਸੱਜਣਾ ਵਲੋਂ ਕੀਤਾ ਗਿਆ, ਜਿਨ੍ਹਾਂ ਵਿੱਚ ਜਗਦੀਸ਼ ਰਾਜ ਸਮਰਾਏ, ਸ. ਅਜੀਤ ਸਿੰਘ ਬੱਟੂ, ਡਾ. ਹਰਚਰਨ ਸਿੰਘ, ਸੁੱਚਾ ਸਿੰਘ, ਮੋਨੂੰ ਪਤਿਆਲ, ਸੋਨੂੰ ਟਰਾਂਸਪੋਰਟਰ, ਤੇ ਹੋਰ ਸ਼ਾਮਿਲ ਸਨ।
ਉਦਘਾਟਨ ਤੋਂ ਬਾਅਦ ਪ੍ਰਿੰਸੀਪਲ ਡਾ. ਜਗਰੂਪ ਸਿੰਘ ਦੇ ਸੱਦੇ ਤੇ ਦਿਨੇਸ਼ ਢੱਲ ਜੀ ਮੇਹਰਚੰਦ
ਪੋਲੀਟੈਕਨਿਕ ਵਿੱਖੇ ਪਧਾਰੇ ਤੇ ਉਹਨਾਂ ਕਾਲਜ ਦੀਆ ਮੰਗਾ ਸੁਣੀਆਂ ਜਿਨ੍ਹਾਂ ਵਿੱਚ ਫਲਾਈਓਵਰ ਦੇ ਉਪਰ ਦੋਵੇਂ ਪਾਸੇ ਲਾਈਟਾਂ ਦਾ ਪ੍ਰੰਬਧ, ਫਲਾਈ-ੳਵਰ ਦੇ ਹੇਠਾਂ ਲੋਕਾਂ ਵਲੋਂ ਕੂੜਾ ਸੁੱਟਣ ਸਬੰਧੀ ਪਰੇਸ਼ਾਨੀ, ਆਸ-ਪਾਸ ਝੁੱਗੀਆਂ-ਝੋਪੜੀਆਂ ਦੀ ਵਿਵਸਥਾ ਸਹੀ ਕਰਨਾ ਤੇ ਕਾਲਜ ਬਾਹਰ ਲਗਾਤਾਰ ਪੁਲਸ ਪੈਟਰੋਲਿੰਗ ਲਾਗੂ ਕਰਵਾਉਣਾ ਸ਼ਾਮਿਲ ਹਨ। ਦਿਨੇਸ਼ ਢੱਲ ਨੇ ਪ੍ਰਿੰਸੀਪਲ ਡਾ. ਜਗਰੂਪ ਸਿੰਘ ਤੇ ਦੂਜੇ ਪ੍ਰਿੰਸੀਪਲਾਂ ਨੂੰ ਆਸ਼ਵਾਸਨ ਦਿੱਤਾ ਕਿ ਸਾਰੇ ਕੰਮ ਜਲਦੀ ਹੀ ਕਰ ਦਿੱਤੇ ਜਾਣਗੇ। ਪ੍ਰਿੰਸੀਪਲ
ਡਾ. ਜਗਰੂਪ ਸਿੰਘ ਨੇ ਢੱਲ ਸਾਹਬ ਅਤੇ ਸਮੂਹ ਕਾਉਂਸਲਰਾਂ ਦਾ ਧੰਨਵਾਦ ਕੀਤਾ, ਜਿਨ੍ਹਾਂ ਦੇ ਸਹਿਯੋਗ ਨਾਲ ਸੜਕ ਬਣਨ ਦਾ ਕੰਮ ਆਰੰਭ ਕੀਤਾ ਗਿਆ ਹੈ।